Војвотката која инаку обожава тесни парчиња облека, во последните денови облекува само удобни и комотни креации.
Тричленото кралско семејство во моментот е на турнеја во Јужна Африка, а нивните чекори се следат уште од првиот ден, па не не чуди што луѓето забележале нешто невообичаено на Меган Маркл.
Имено, фановите на кралскиот пар погодуваат дека војвотката од Сасекс повторно е бремена. Според пишувањето на Експрес, поради неколку детали веќе е заклучено дека војвотката ќе роди уште едно бебе во мај наредната година, поточно година дена откако стана мајка.
Меган во текот на првите денови од турнејата носеше ист син фустан во кој се појави и во првата бременост, а најновите фотографии во комотната гардероба наведоа на размислување дека можеби се обидува да го сокрие трудничкиот стомак.
Подоцна се појави во уште еден постар фустан кој одговара на трудничката фигура.
Луѓето тврдат дека војвотката и војводата од Сасекс не биле досега толку заљубени, а дали е тоа од хормоните на бременоста или забавата која им ја прави малиот син Арчи со своето присуство на турнејата, ќе дознаеме наскоро.
