Тамара Тодевска благодарение на моќниот вокал и прекрасниот настап на Евровозија оваа година се закити со уште еден трофеј, кој всушност е и прв трофеј за нашата земја од ова натпреварување.
Таа е прогласена за најдобар женски евровизиски вокал за 2019-та година, 23,3 проценти од гласачите за категоријата најдобар женски глас гласале за неа.
Победничката песна „Аркада“ во изведба на Данкан Лоренс од Холандија ја понесе титулата во категоријата за најдобра песна.
Во категоријата најдобар машки изведувач победи Лука Хани од Швјцарија, победникот Данкан се најде на второто место, а Италијанецот Махмуд го освои третото место.
За најдобра група се прогласени норвежаните „КЕИНО“.
На кому ќе му припаднат трофеите одлучуваа фановите и слушателите на евровозискиот натпревар, а гласањето за Радио-наградите на Евровизија траеше од 1 до 10 јуни.
