Томас Маркл постојано прави скандали, уште од времето кога Меган и Хари беа само вљубен пар.
Овојпат, во интервју ја обвинил дека е лажливка, а зетот Хари го нарекол лицемер. Ова потполно ја скршило војвотката Меган, која, како што наведува Дејли мејл, решила веќе никогаш повторно да не контактира со својот татко.
„Таа веќе не сака да го види. Многу ѝ е тешко. Одамна размислуваше за ова, но сега веќе се покажа дека така и мора да биде“, вели блиска личност на Меган за весникот.
„Срцето ѝ е скршено, но таа мора да се заштити и себе, но и својот син, како и сопругот“, додава истиот извор.
Томас Маркл овојпат имал забелешка за тоа што принцот Хари никогаш не дошол кај него за да ја побара раката на Меган. Тој тврди и дека војвотката лаже дека сама ги платила своите студии и изјавил дека ако има потреба, ќе ги прикаже и банкарските изводи со кои ќе се потврди дека всушност, тој плаќал.
