Познатата пејачка Рита Ора е родена во Приштина, во Косово, но веќе одамна живее во Велика Британија, каде успешно ја гради својата музичка кариера.
Таа се вратила во родното Косово, каде за своите родители купила имот вреден 1,5 милиони фунти.
Рита Ора секогаш нагласува дека најзаслужни за нејзиниот успех се родителите Вера и Бесник. Веста за луксузната куќа на Инстаграм прва ја објави токму нејзината мајка.
Тие заминале од Косово во време на политичката криза, а со купување куќа во Приштина, Рита сака да им се оддолжи на своите родители што навреме се преселиле и ѝ обезбедиле прекрасен живот во Британија.
Пејачката секогаш ќе се сеќава на своето детство, кога штотуку пристигнале во Британија, а имале пари само за еднособен стан, во кој сите спиеле во единствената соба.
Погледнете го и луксузниот имот кој Бред Пит ѝ го купи на Џенифер Анистон.
