Американскиот рапер Кание Вест повторно изјави дека еден ден тој ќе биде претседател на САД.
Во емисијата на стриминг сервисот „Apple Music”, музичарот пред излегувањето на својот нов албум „Jesus is King” зборувал за различни теми – од порнографија до Доналд Трамп.
Тој рекол дека кога отворено го поздравувал републиканскиот претседател сакал да ги нервира неговите противници – демократите.
Раперот е уверен дека тој еден ден ќе биде во Белата куќа.
„Ќе дојде време кога ќе бидам претседател на САД”, рекол тој, наведувајќи дека тогаш ќе се сети на оние кои не биле во состојба културолошки да го разберат тоа што го правел.
Кание Вест и претходно зборуваше за намерата да се кандидира за претседател на САД во 2020-та година, како и тоа дека тој би бил „поинаков претседател”.
