Модните додатоци некогаш може да одиграат многу поголема улога во целокупниот изглед, отколку самата облека.
Навистина е предизвик да се направи совршената комбинација на облека, обувки и чанти и накит, но најважно од сè е да имате инспирација да го правите тоа.
Од улиците на Милано, Париз, Њујорк и Лондон, доаѓаат следниве трендови:
Накит и очила за сонце
Кога е накитот во прашање, оваа пролет на сигурно ќе играте со помош на бисерите. Носете ги на ѓердани, обетки, шноли, алки… Можете дури и на очилата за сонце. Што се однесува до обликот на очилата, најмодерни се мачкестите рамки, но и очилата во боја кои потсетуваат на модата од 70-тите.
Чанти
Оваа сезона ќе бидат модерни ретро чантите, кои по малку наликуваат и на торби за пазарење. Без разлика дали ќе изберете мал или голем модел, тие ќе ви бидат навистина практични за складирање на сите ваши неопходни ситници. Во мода остануваат и популарните ранци, плетените торби и оние кои наликуваат на кошници.
Капи и шешири
Шеширите, заедно со очилата за сонце, одлично ќе ве штитат од сонцето. Избирајте светли бои кои ја рефлектираат светлината, а можете да си играте со храбри принтови и нијанси.
