Ален Делон (83) пред околу три недели доживеал мозочен удар. Неговото семејство тоа го криело од јавноста, а сега актерот закрепнува во една швајцарска болница.
Тој претрпел мозочен удар и благо крварење во мозокот, а неговиот син Ентони, за АФП изјавил дека состојбата на Делон сега е стабилна и добро закрепнува.
„Опериран е во Париз, па преместен на интензивна нега во Швајцарија. Со него сме сите, јас, мојот брат, сестра ми и мајка ми Натали“, кажал Ентони.
Виталните функции на актерската легенда се добри. Тој во јуни посетил лекар поради постојани вртоглавици и главоболки, но немало никакви други предупредувачки симптоми за мозочниот удар.
