Веста за раскинувањето на договорот меѓу Авалон и македонската група Дупер, во која главни „актери“ беа Борис Какуринов, Мартина Баракоска и Илчо Нечовски, и која Авалон ја објави претходно, сега е потврдена и од страната на бендот.
Тие на својата Фејсбук страна, покрај црната насловна фотографија, објавија и натпис во кој се поздравуваат со едниот свој член, Мартина Баракоска, поради ненадминливите разлики, како што велат, и го потврдуваат раскинувањето на договорот со Авалон.
Бендот во последната година беше вистинска светла точка на нашата сцена, тие се прославија со песната „Не сум твој тип“ која веднаш по емитувањето стана хит, а заедно ги изработија и нумерите „Тело за на ТВ“ и „Ние сме 2“.
Последната песна од нивната заедничка соработка е објавена токму денес на YouTube каналот под наслов „Пробај да ми бидеш“.
