Балканските медиуми деновиве пишуваат за спотот на пејачката Албана Азизи, кој е снимен во црквата Свети Никола во Ново Брдо во близина на Приштина.
Албанската пејачка не чувствувала дека треба да бара дозвола од српската православна црква и поради овој спот наишла на големи осудувања од јавноста.
„Оскудно облечена, потпрена на православниот храм, пее “провокативен“ текст“!, пишуваат медиумите за спотот на пејачката.
„О, мој боже, толку е добро што не сакам да си заминам. Дури и мајка ми знае дека си лош за мене. Одам со другарките да пијам, облеков фустан, срцето ќе ти излезе“ – зборовите од песната “Sa mire ta bona“ која ја пее младата пејачка.
Албана Азизи по петекло е од Албанија, но има швајцарско државјанство. Родена е во Берн, студира стоматологија и музика на конзерваториум, а сега одлучила да се пробие и во музичкиот свет.
Проверениот рецепт за привлекување внимание на снимање на провокативен спот во црква дефинитивно не го измисли Албана. Нејзината колешка Ера Истрефи уште во 2014-та година сними контроверзен спот во храмот на Христос во Приштина. И тогаш реакциите беа исти.
