– Под влијание на МНОГУ ТОПЛАТА воздушна маса од Африка, во следните денови времето во Македонија ќе биде МНОГУ ТОПЛО и сончево со мала локална облачност. Во попладневните и во вечерните часови локално ќе биде нестабилно со пороен дожд, грмежи и засилен ветер, а има услови и за локална појава на КРАТКОТРАЈНО НЕВРЕМЕ. Температурите ќе се искачуваат во интервалот од 31 до 38 степени, додека во најтоплите предели истите ќе се искачат и до 40 степени. Ув – индексот и понатаму ќе има ЕКСТРЕМНО ВИСОКА вредност и ќе изнесува коефициент некаде околу 10.
И во Скопје и околината во следните денови времето ќе се задржи МНОГУ ТОПЛО и сончево. Сепак во попладневните и во вечерните часови во делови од котлината повремено ќе има услови за појава на нестабилност.
Температурите ќе се искачуваат во интервалот помеѓу 33 и 36 степени – вели метео прогнозерот Славчо Попоски.
