Австралискиот фармер Бен Џексон беше оддалечен 400 километри во Нов Јужен Велс, кога неговата тетка Деби ја загуби двегодишна битка со ракот во Квинсленд.
Ограничувањата поради пандемијата му забрануваа да допатува и да присуствува на нејзиниот погреб. Така, тој се сврте кон стадото овци и пасиште за да ја покаже својата љубов, правејќи срце од жито.
Тој имал за цел да го расфрла житото, така што кога ќе го ослободи своето стадо, илјадници овци ќе влезат во средината и ќе го наполнат обликот на срце.
„Немаше шанси да отидам таму и да ја видам, да се простам, или да отидам на погребот“, рече тој за „Би-Би-Си“.
„Се чувствував безнадежно, беспомошно, навистина не знаев што да правам. Но, бидејќи веќе бев тргнат да ги нахранам овците, само решив да направам огромно срце во земјата, што, во секој случај, е бледо во споредба со нејзиното“.
