Дали и на вас првата асоцијација за сако ви е елеганција и деловен стил? Сепак, сакото е нешто што во сончевите пролетни денови може да замени било каква јакна, а дава посебен печат на секој стил.
И додека можеби не се осмелуваме толку лесно да експериментираме со боите, туку на себе носиме стандардни црни или бели сакоа, популарните трендсетерки покажаа како се прави тоа малку поинаку.
Нови трендови се јавуваат со секоја наредна сезона, но оваа пролет во мода се впечатливите бои и затоа слободно напуштете ги темните нијанси и оставете ги за ладните денови. Освен впечатливите бои, популарност добиваат и предимензионираните сакоа кои беа актуелни во 80-те години.
Со добар избор на чевли, но и патики, ќе направите одлична модна комбинација и непогрешлив стил.
