Украинската поларна станица на Антарктикот се најде во морничаво опкружување, откако околниот снег поприми крваво црвена боја, но научниците не се зачудени.
Фотографиите од истражувачката станица „Вернадски“ беа објавени на Фејсбук од страна на украинското Министерство за образование и наука, наведувајќи дека снегот е таков последните две недели.
Министерството исто така истакна дека нема причина за грижа поради климатските промени и глобалното затоплување, бидејќи снегот ја променил бојата поради морските треви со слој на црвен каротен, познати под името Chlamydomonas Nivalis.
Оваа трева за време на зимата е закопана длабоко под снегот, но штом се стопли таа избива на површината да се размножува, а на Антарктикот моментално е лето.
Меѓутоа, црвениот снег не е појава која се поврзува само со Јужниот пол. Исто така се јавува на Арктикот, Алпите и други планински региони, а сведоци на овој феномен велат дека мириса на лубеница.
Неодамна е измерена највисоката температура некогаш!
На Антарктикот во почетокот на февруари беше забележана температура поголема од 20 степени Целзиусови.
На островот Сејмор на 9 февруари беа регистрирани 20,75 степени, а уште еден рекорд беше забележан два дена претходно, кога аргентинската истражувачка станица на Есперанца измери 18,3 степени, што е најголемата температура забележана на Антарктикот.
