Кејт Мидлтон (38) и принцот Вилијам (37) пристигнаа во Ирска, каде што се состанаа со претседателот Мајкл Хигинс и неговата сопруга Сабина.
Војвотката од Кембриџ за оваа прилика одбра зелен капут и фустан во кои блескаше, додека војводата се одлучи за одело и кравата.
За војводата и војвотката од Кембриџ ова е прва официјална посета во странство од страна на членови на кралското семејство после Брегзит, а тие положија и венец во Градината на сеќавање посветена на сите кои го дале својот живот за независноста на таа земја.
„Никогаш да не ги заборавиме историските лекции и заедно да продолжиме да градиме блескава иднина“, пишуваше на венецот.
Додека сите се радуваа на нивното доаѓање, Кејт Мидлтон возврати така што им мафташе на присутните. Истото го направи и принцот Вилијам.
Инаку, оваа посета на Ирска е првата во скоро десет години откако тоа го направи неговата баба, кралицата Елизабета и така влезе во историјата, бидејќи тоа беше првата посета за таа земја од страна на владеечкиот британски монарх.
