Ширењето на коронавирусот e главна причина поради која Хари и Меган решиле Арчи да остане со дадилката во Канада.
Во моментов има 36 потврдени случаи на коронавирус во Велика Британија и 24 во Канада, па тие не сакаат да го стават во опасност нивниот син.
Во Британска Колумбија, регионот на Канада каде што престојуваат Меган и Хари со Арчи има осум потврдени случаи на коронавирус. Сè додека тој останува дома и не патува ризикот е помал.
Меган и Хари ќе останат во Велика Британија до крајот на месецов кога ќе им завршат последните кралски обврски, а потоа ќе се вратат во Канада за да бидат со нивниот син.
