Уште малку отворените сандали ќе станат неизоставен моден детаљ, но за да ги носите со гордост, ќе мора да ги подготвите стапалата.
За таа цел може да користите скапи купечки креми или овој едноставен, поволен рецепт.
Сe што ви треба е една зрела банана и малку мед.
Со виљушка добро изгмечете ја бананата додека не се претвори во каша. Во смесата додадете 1 лажица мед, добро промешајте, па добиената смеса нанесете ја на чисти стапала.
Посебно добро внимавајте петите да бидат покриени со подебел слој, бидејќи таму кожата е најгруба.
Намачканите стапала завиткајте ги со пластична фолија која треба да отстои 10 минути.
Кога ќе ја тргнете фолијата, исплакнете, па направете пилинг со камен или турпија за нозе.
