Едноставно се подготвува, вкусно е и богато зачинето.
Полнетите тиквици со мелено месо и зачин се одличен предлог за сите гурмани.
Потребно е:
4 млади тиквички
300 грама мешано мелено месо
2 моркови
3 главици кромид
1 лажица алева пиперка
сол по вкус
1/2 лажица кари
1/2 лашичка мајчина душичка
1/3 лажичка бибер
1/2 лажича босилек
масло по потреба
Подготовка:
Исчистете го кромидот и исецкајте го на коцкички. Морковот исчистете го и изрендајте го. Во намастено тавче ставете го кромидот и морковот со додаток на сол и запржете. Додадете по малку вода и динстајте додека зеленчукот не омекне. Кога зеленчикот ќе се запржи, додадете мелено месо и соединете го со зеленчукот.
Потоа додадете ги зачините, босилекот, биберот, кари и на крај алевата пиперка. Соединете ги зачините со смесата и пржете ги заедно уште малку. Тивкичките пресечете ги на половина и издлабете ги со мала лажичка.
Сочувајте го извадениот дел од тиквичката и додадете ја смесата со мелено месо, па се заедно измешајте. Внатрешноста на тиквичката посолете ја и наполнете ја со смесата. Наредете ги тиквичките во плех, покријте со фолија и ставете ги во веќе загреана рерна на 200 степени.
После половина час, зависно од јачината на рерната, извадете ги од рерната.
Внимателно симнете ја фолијата за да не ве изгори пареата и вратете ги тиквичките во рерна на уште 15 минути да се запечат.
Пријатен ручек!
