Доколку се уште не сте се одлучиле што да подготвите денес за ручек, ова е нашиот предлог…
Ова е идеален летен и лесен ручек според стар рецепт кој сигурно го правеле вашите баби и мајки.
Потребно ви е:
1 врзопче покрупен млад кромид
2 поголеми домати
5-6 поголеми пиперки
Масло
Сол, бибер, магдонос
Прилог:
Колбаси
Подготовка:
На масло запржете го исецканиот кромид, кога ќе биде стаклест, додадете ја и сецканата пиперка па и неа запржете ја на тивок оган додека да омекне.
На крајот додадете го и излупениот и сецкан домат.
Пржете го додека да изврие течноста. Посолете, по желба додадете и бибер, вегета и магдонос по желба.
Како прилог, доколку не сакате посен ручек, додадете пржени колбаси, или плескавици, кременадли, доколку е посно, најдобро оди компир.
Уживајте во овој стар но многу вкусен и лесен рецепт. Пријатно!
