Истражување направено со 2.000 љубовници покажа дека е поверојатно жените да кажат дека сѐ уште се среќни во врската – 71%, во споредба со 63% од мажите, пренесува „The Sun“.
Две третини од испитаниците велат дека имаат среќна врска и покрај тоа што ги изневеруваат своите партнери. Само 33% од оние кои се во врска и го изневеруваат партнерот изјавиле дека се во несреќна врска.
Мажите велат дека аферата им ги подобрила браковите, а 81% рекле дека изневерувањето е добро за нив во споредба со 72% од жените.
Истражувањето исто така покажа дека, и покрај тоа што признале дека го изневерувале партнерот, 94% од испитаниците би биле бесни доколку дознаат дека нивниот партнер го прави истото.
„Не сум шокирана што среќните луѓе изневеруваат“, вели Џесика Леони, од страницата за состаноци „Illicit Encounters“, која го спровела истражувањето.
Во едно од претходните истражувања спроведени на над 900 испитаници, оваа страница наиде на интересни податоци за изневерувањето. Некои од испитаниците кои ги изневеруваат своите партнери имале љубовници додека стоеле пред олтарот. Најголем дел од нив се мажи, дури во 64% од случаите.
Резултатите од истражувањето потоа ги покажаа следните изненадувачки податоци:
- 8% од луѓето имале љубовник за време на бракот,
- 55% признале дека подеднакво се грижат за партнерот и за љубовникот, па ги продолжиле двете врски,
- 27% продолжиле да се гледаат со својот љубовник една година откако се венчале,
- 23% од прељубниците раскинале со љубовникот пред брак затоа што се плашеле дека партнерот ќе дознае за аферата,
- 5% ја продолжиле аферата долго време (некои и подолго од пет години).
