Иако ова е рецепт за салата, нејзините состојки долго време ќе ве држат сити, па така овој рецепт можете да го искористите и како замена за ручек.
Потребни состојки:
– 100 гр киноа
– вода за варење на киноата
– 200 гр црвен грав од конзерва
– 100 гр ситна пченка од конзерва
– 1 домат
– 1 авокадо
– 7-8 листови зелена салата
Прелив
сол, маслиново масло, соја сос и малку јаболкова киселина
Подготовка:
Измерете ја киноата во филџан и ставете двојно вода во неа и префрлете ја во тенџерче да зоврие. Откако ќе зоврие, поклопете ја со капак и намалете ја темпераурата на минимум. Така да стои околу 15 минути.
Салатката ситно исечкајте ја, а доматот исечкајте го на мали коцки. Авокадото излупете го и исецкајте го на ситни коцки. Извадете и процедете ги гравот и пченката.
Сите состојки се мешаат заедно и се преливаат со преливот кој си го одредувате по ваш вкус.
Секако дека и соодносот на состојките за салатата не се фиксни и можи да си ги промените според ваша желба.
