Пармезанот е еден од најпознатите видови сирење во светски рамки, но неговото потекло е од Италија. Името „пармезан“ може да го има само оној вид сирење што е произведен во некоја од заштитените зони во провинциите Пармa, Реџо Емилија, Модена и Болоња, каде што се подготвува во строго контролирани услови.
Станува збор за тврдо и ароматично квалитетно сирење, кое се произведува од најквалитетно млеко. Сирењето е одличен извор на калциум, а храната богата со овој минерал придонесува за побрзо согорување на маснотиите. Нутриционистите го препорачуваат пармезанот како секојдневна храна за децата и за постарите лица, бидејќи изобилува со многу нутритивни вредности, покрај тоа овој вид сирење лесно се вари, а изобилува и со калциум и со фосфор.
Вистинскиот пармезан има само за него карактеристична текстура, а и покрај тоа што се подготвува од кравјо млеко, тоа во својот состав не содржи лактоза. За да се направи еден килограм од ова сирење, потребни се дури 16 литри млеко.
