Британска тинејџерка која боледува од цистична фиброза стана привата личност на светот која е излечена од смртоносна инфекција со помош на генетски модифициран вирус, пренесува „Индепендент“.
17-годишната Британка пред две години се борела за живот по трансплатацијата на белите дробови која била извршена во британска болница, пренесува овој британски таблоид.
Таа била заразена од супербактерија и антибиотиците повеќе немале никаков ефект.
Меѓутоа, откако докторите и дале вирус кој не ги напаѓа човечките клетки, а е модифициран за убивање на бактерии, девојката целосно оздравела.
Докторите ја проучуваат оваа терапија веќе речиси еден век, но таа имала ограничена уптреба, бидејќи секој вирус еволвира во ловец на одреден слој бактерии, а некои вируси не биле доволно смртоносни за бактериите да бидат ефективни.
Меѓутоа, во случајот со 17-годишната Британка се покажало дека генетската модификација на вируси би можело да биде ефикасен метод, пишува „Индепендент“.
