Супермоделката Адријана Лима, поранешен ангел на Викторија сикрет, по првпат го покажа трудничкото стомаче за време на Модната недела во Париз.
Убавицата се појави облечена во црн тесен фустан додека со партнерот Андреј Ламерсон присуствуваше на ревијата на луксузната модна марка Балман.
Освен со трудничкото стомаче Адријана вниманието го привлече и со речиси непрепознатливото лице.
Многумина сметаат дека нејзиното непрепознатливо отечено лице не се должи на бременоста, туку на бројните естетски интервенции, меѓу кои и популарните филери, кои се моментно најактуелни третмани за помдладување меѓу ѕвездите.
Да потсетиме, манекенката во своето прво видео објавено на ТикТок објасни дека го чека детето со нејзиниот партнер продуцент на почетокот на есента.
Адријана веќе има две ќерки, Валентина и Сиена, од бракот со српскиот кошаркар Марко Јариќ.
