Кристина Агилера (39) во последно време речиси се повлече од јавноста и се посвети на своето семејство.
Иако, за холивудските критериуми има вишок килограми, талентираната пејачка со раскошен глас не ја допираат коментарите и ужива во својата кожа.
Во вторникот Кристина Агилера била фотографирана со својот партнер како одат во училиштето каде што учи нивната ќерка.
Косата ѝ била собрана во пунџа и била речиси без шминка, ѕвездата која многумина ја паметат по спотот „Dirty“, денес едвај би ја препознале на улица.
Ќерката Самер Рејн ја добила во 2014-та година со својот вереник Метју Ратлер, а од претходниот брак го има синот Мекс (11).
Парот е заедно десет години, а Метју е музичар и филмски продуцент.
Пред него Кристина немала многу среќа во љубовта. Првото момче со кое имала сериозна врска било Хорхе Сантос, но по раскинувањето ѝ признал дека е геј, а од сопругот Џордан Братман се разделила по пет години брак.
Исто така се зборувало дека парот имал отворен брак, но и дека на Џордан му здодеало неговата сопруга да доведува други жени на забавите во нивниот дом.
