Коронавирусот го откажа и доделување на театарските Тони награди, чија церемонија за доделување е одложена на неопределено време.
Официјалната церемонија требаше да се одржи во Њујорк на 7-ми јуни, со пренос во живо на Си Би-Ес.
Од друга страна, поради пандемијата, две недели порано се затворија сите театри на Бродвеј.
„Здравјето и безбедноста на бродвејската заедница, уметниците и обожавателите нам ни се најважни”, се истакнува во соопштението на организаторите.
Наградите Тони, кои се доделуваат за драма, мјузикл, режисери и актери се сметаат за највисоко признание во американската театарска сцена.
