Нашиот познат менаџер, шоубиз ѕвезда и поранешен водител Зоран Василевски, попознат на јавноста како Зоки Фаци, неодамна со фановите сподели потресна информација поврзана со неговото здравје.
На објава на неколку стории на неговиот инстаграм-профил, Зоки отворено раскажа за неодамнешната операција на неговата нога, а на видеата ги покажа и фластерите и заздравените лузни.
Се работи за канцер на нога, како што објасни тој, а ова е прва информација за болеста којашто ѕвездата ја сподели со јавноста, иако операцијата се случила пред десет дена.
– Mногу битки добив во животот, и многу искушенија, така што ова е уште една моја битка, се надевам дека ќе излезе добро, раскажа тој.
Неверојатно е забележливо позитивното расположение на Зоки на овие објави, кој иако говори за тешка лична тема, очигледно има позитивна енергија која сака да ја сподели со следбениците.
– Вербата во Бога и во себеси е многу битна. Така што, само позитивна енергија и сѐ ќе биде во ред, додаде тој.
View this post on Instagram
Зоки се чини дека заздравува добро и отворено раскажува дека уште од моментот кога дознал не бил обесхрабрен, туку само седнал на клупа, зел здив, се јавил на неговата блиска пријателка Лила, ја известил за сознанието, и набргу потоа ја започнал борбата со суровата болест.
– Оваа лузна ќе ја носам цел живот и се надевам дека ќе извлечете некоја поука од ова, затоа што не треба да го гледате животот само низ призма на пари, на слава и на бла-бла-бла – здравјето е најбитно од сѐ. Чувајте се!, порача Зоки.
View this post on Instagram
Приказната на Зоран е позитивна и охрабрувачка, и тој ја споделува токму заради неговата желба да пренесе позитива и охрабрување на оние кои го следат. За одржување на позитивната енергија, покрај своите пријатели, тој си посвети и песна која го мотивира во процесот на заздравување: „Beautiful Scars“ од Мадона, потсетувајќи нѐ дека сите наши лузни и белези се дел од нас и треба гордо да ги носиме.
„Позитивна енергија, позитивна енергија, и само позитивна енерија. Така ќе го победам ова чудо!“
View this post on Instagram
И за крај, Зоки со своите фанови сподели анегдота која се случила токму на денот на операцијата, разведрувајќи ја темата.
Имено, тој се насмеа на фактот колку буквално го разбрал докторот и како непромислено ги следел неговите инструкции. Се облекол во пижами и папучи, како што му било порачано, но наместо во болница тоа го направил дома и така подготвен повикал такси и се упатил на операција.
Брзо заздравување Зоки!
