Австралиската пејачка Сиа после албумот „We Are Born“ од 2010 година во договор со издавачката куќа „Sony“ одлучила да го сокрие лицето од јавноста.
Пред планетарно популарниот албум „1000 Forms of Fear“ и „This is Acting“ со хит-сингловите „Chandelier“ и „Cheap Thrills“, пејачката многу тешко се носела со популарноста и славата, па одлучила поретко да настапува, но кога ќе се појавува во јавност, да го крие лицето.
Публиката која ја стекнала од 2014 година никогаш претходно ѝ го нема видено лицето, па не е ни чудо зошто никој не ја препознал во продавницата.
Во Палм Спрингс во маркетот на Волмарт, таа се претставила како Цици и ги платила поклоните на сите во продавницата. Кога ја прашале зошто го прави тоа, рекла дека освоила на лотарија.
Сиа зборела со луѓето, се сликала, добила цвеќиња и прегратки, а никој не знаел дека пред нив е жената која го напишала хитот „Diamonds“ за Ријана и дека продала преку 20 милиони примероци од своите албуми ширум светот.
Откако видеото станало популарно на друштвените мрежи, фановите на пејачката воодушевено прокоментирале дека Сиа е знак дека постојат добри луѓе помеѓу ѕвездите.
