Чистењето на рерната е сигурно една од потешките работи во домаќинството. Особено доколку рерната не е исчистена подолго време, па на неа се наталожени голем број на масти и изгореници.
Затоа пронајдовме совршен трик, без хемикалии, кој на вашата рерна ќе и го врати стариот сјај.
Оцетот уште еднаш се покажа како сјаен сојузник во вашата куќа. Се што ви е потребно е да ја исчистите вашата рерна со алкохолен оцет и сода бикарбона. Тие се главни за омекнување на масните наслаги.
Направете смеса од шолја сода бикарбона и третина шолја вода, па нанесете ја на целата внатрешност. Оставете ја да отстои 12 часа, а потоа испрскајте ја со оцет. Потоа истријте ја целата внатрешност на рерната со крпа и топла вода. Тврдокорните наслаги истругајте ги. На крајот се повторно добро пребришете со обична крпа.
Вашата рерна ќе свети, а вие ќе ни бидете благодарни за овој трик.
