На еден од најголемите пунктови за вакцинација во Романија се појави елка висока три метри, направена од празни шишиња вакцини на Фајзер, пренесува „CDM“.
Дрвото е направено од вкупно 19.000 празни шишиња кои се осветлени со ЛЕД светилки.
Идејата за оваа декорација се родила во март 2021 година, а персоналот на проектот работи од ноември. Персоналот, велат, останувал до два часот по полноќ, по работното време, да ја изработат оваа елка.
„Дрвото што го имаме претежно е направено од шишиња „Фајзер“, кои ги собираме од 1 март 2021 година. Приближно 19.000 шишиња се искористени за да се направи. Долното ниво е направено од „Модерна“ шишиња, а подароците се направени од вакцини „Џонсон и Џонсон“, изјави д-р Раду Кристијан, координатор на центарот за вакцинација.
„Им благодариме на сите што ја примија вакцината овде. На овој начин сакаме да покажеме колку сме благодарни што го избраа нашиот центар да ја примат вакцината, а тоа се 200.000 од нив“, додаде тој.
БОЖИЌ ВО ЊУЈОРК: Најпознатата елка на светот осветлена по две години!
