Оваа недела новогодишната елка во Рокфелер центарот во Њујорк по пауза од речиси две години повторно беше осветлена. Многумина њујорчани овој момент го сметаат за симбол на зимските празници. Последен пат тоа се случи во 2019 година, поради што домородците посебно го чекаат овогодинешниот момент на палење на светилките на најпознатата новогодишна елка во светот.
View this post on Instagram
Овогодинешното дрво е 85-годишна норвешка смрека, висока скоро 25 метри и тешка скоро 12 тони и доаѓа од фарма во Елктон, Мериленд. Тимовите неуморно работеа за да го завиткаат дрвото во повеќе од 50.000 шарени LED светилки. Тридимензионалната ѕвезда на врвот на дрвото чинеше околу 1.000 долари, има 70 шила покриени со кристали Сваровски и е дизајнирана од архитектот Даниел Либескинд.
View this post on Instagram
За њујорчаните ова е долгогодишна божиќна традиција која потекнува од работничката класа.
Имено, првата елка пред Рокфелер центарот била поставена во далечната 1931 година, кога работниците ги здружиле силите и со свои пари купиле елка. Мажите потоа ја украсиле елката со рачно изработени венци направени од нивните семејства. Од 1933 година, овој момент стана традиција која продолжува до ден-денес.
