Нашата позната пејачка на народна музика Благица Хаџи Павловска или попозната само како Благица Павловска вчера го прослави својот 63-ти роденден. Во домашна атмосфера пејачката ги собра своите најдраги пријатели и со песна како што доликува го одбележа својот роденден.
Нашата познатата водителката и инфлуенсерка Лила, беше дел од гостите на прославата, а на својот инстаграм – профил водителката сподели и прекрасни кратки видеа на кои Благица ги забавува гостите со своите безвременските хитови.
Лила, како и сите присутни уживаа во песните на Павловска кои пејачката како и секогаш со многу емоции ги испеа, но овој пат по повод својот роденден. Една роденденска прослава не може без роденденска торта, а Благица за своите гости имаше дури шест роденденски торти.
Како голем верник, пет од роденденските торти на пејачката беа украсени со ликовите на дел од христијанските светци, Бог и Пресвета Богородица, а шестата торта беше украсена со виолетови рози и фотографија од пејачката. На една од тортите пишува Бог е љубов, а роденденот на Благица е на еден голем христијански празник Пресвета Богородица – Пречиста.
Павловска во текот на својата кариера настапуваше соло, но и како дел од групата „Четири грации“ каде покрај неа се и познатите македонски фолк – пејачки Адријана Алачки, Росана Тодоровска и Бади Бекир.
Среќен роденден Благица!
