Актерот и шоумен Тони Михајловски ги изненади своите обожаватели и бројни пријатели со најновата обава на неговиот фејсбук-профил.
„На 54 години првпат ми дојде желба да си заминам, да ја напуштам Македонија. И најверојатно ќе си ја исполнам таа желба“, напиша актерот.
Неговата објава предизвика лавина коментари и за само два часа од објавата привлече 1,1 илјади лајкови. Додека некои изразија разбирање за неговата одлука, други се прашуваат што се случило и од каде ваква одлука…
„Бегањето не е решение во животот. Но сепак секој си знае најдобро што сака од својот живот и што е најубаво за него“, беше еден од коментарите на што Тони одговори „Нема да бегам. Ќе си заминам од оваа небиднина“.
