Како и секој претходен и иден петок се обидуваме да ви го олесниме одговорот на прашањето „Што да гледате на „Netflix“ и „HBO“ овој викенд?“.
Викендите секогаш се резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои сигурно нема да ве остават рамнодушни.
Don’t Look Up – Филм на „Netflix“
Студентката по астрономија Кејт Дибијаски и нејзиниот професор д-р Рандал Минди мора да бидат дел од огромна медиумска турнеја за да го предупредат човештвото за комета која се движи кон планетата Земја и ќе ја уништи комплетно во рок од шест месеци. Но, се чини, никој не е вознемирен…
Жанр: комедија / IMDB оценка: 7.3 / Rotten tomatoes рејтинг: 55%
Together Together – Филм на „HBO“
Млада сингл жена станува сурогат мајка за самохран, средовечен маж кој сака дете. Нивната неочекувана врска наскоро ги предизвикува нивните перцепции за поврзаноста, границите и љубовта воопшто.
Жанр: комедија / IMDB оценка: 5.5 / Rotten tomatoes рејтинг: 90%
Home for Christmas – Серија на „Netflix“
Јохана нема партнер и е уморна од постојаните коментари за статусот на нејзиниот љубовен живот. Така започнува нејзината 24-дневна потрага по момче кое ќе го донесе дома за Божик.
Жанр: комедија/драма / IMDB оценка: 7.7 / Rotten tomatoes рејтинг: /
Angela Black – Серија на „HBO“
Анџела Блек навидум има одличен живот. Таа е мажена за вреден семеен човек, има два сина и живее во прекрасното предградие на Лондон. Сепак, совршениот живот на Анџела крие ужасна вистина – таа секојдневно трпи злоставување од нејзиниот сопруг и не може да избега од неговите „канџи“. Но, одеднаш се случува пресврт кој можеби ќе ѝ помогне да ја живее својата слобода.
Жанр: драма / IMDB оценка: 6.2 / Rotten tomatoes рејтинг: 64%
