На голема радост на сите вас – почнавме уште една прекрасна соработка со готвачка за која готвењето е уметност – Наташа Мустафа.
Љубовта за готвењето ја наследила од две прекрасни жени, извонредни во кујна, мајка ѝ Зоре и баба ѝ Рада. Со готвењето се опушта и се изразува креативно.
Оваа врвна креативка во кујна своите маестрални рецепти ги објавува на својот инстаграм-профил(natasaemil), а сега вкусните рецепти ги доближуваме и до вас!
(РЕЦЕПТ) НАТАША НИ НАПРАВИ МЕДИТЕРАНСКИ РЕЗАНЦИ СО САРДИНА: Вкусот на морето во вашата чинија!
Денес, Наташа споделува со сите рецепт идеја за превкусен ручек или вечера – ќофтенца во доматен сос.
Потребни состојки:
За смесата за кофтиња:
- Пола килограм мелено месо
- Јајце 1
- Парче леб(натопено во топла вода)
- Босилек(свеж)
- Сол,бибер,оригано,лукче
- Мајчина душичка
- Главица кромид
За прелив:
- Доматен сос 700 грама
View this post on Instagram
Подготовка:
Од смесата правите топчиња и ги редите во намрсена тава. Полевате со доматен сос. Печете 1час на 200 степени.
*Наместо босилек, може да ставите свеж магдонос. Може и претходно да ги запржите ќофтенцата. Но вака ви е поедноставна и поздрава варијанта, без пржење.
Добар апетит!
