Слаткаристика реши да ги смени животните навики, и сега е сосема нов човек, барем според новото видео која го сподели на Инстаграм стори.
Раперот објави видео како вежба, поточно како вози статичен велосипед, но не откри дали сликата е од теретана, или решил да вежба во домашни услови.
Причината е концертот кој тој и Тони Зен заедничи ќе го одржат во Арената „Борис Трајковски“ во Скопје на 11 октомври, па Слаткар сака да биде во добра форма пред да излезе на големата сцена.
-Кога почнав да ја пишувам песната, инспирација ми беше кафаната, затоа што тој период решив да престанам да пијам алкохол и навистина бев гневен на сѐ што е поврзано со алкохол, а посебно на „Институцијата кафана“ како вруток на целата приказна.
Пет години немав ставено капка алкохол во уста, а тоа што го поминував додека се одвојував од старата „љубов“ за мене беше Сибир“, рече Слаткар во една прилика во „Слобден печат“ за песната „Сибир“.
