Актерката Хилари Даф многумина ја нападнаа и осудија поради тоа што на својата осуммесечна ќерка се решила да и ги дупне ушите.
Фотографијата која актерката ја објави на Инстаграм со својата ќеркичка Бенкс Вајолет Бер покажува како тие две се забавуваат. Но некој од следбениците на познатата актерка забележал цирконче на увото од бебето, што предизвика несогласување меѓу нејзините фанови.
Изгледа дека обетката тука е од неодамна, бидејќи на претходните фотографии ја немаше, пишува Enews.
Додека некои во коментарите го пофалија и честитаа дупнувањето на ушите, други сметаа дека на актерката треба да и биде срам за ваквата одлука.
„Не можам да сфатам зошто би помислила дека е во ред да ги дупнеш ушите на своето бебе. Си и предизвикала огромна болка и непријатност“, коментира еден од фановите.
Некои дури се одлучија повеќе да не ја следат Хилари на социјалните мрежи, поради, како што наведоа „болката која и ја нанела на Бенкс“.
Меѓутоа, актерката не обрнува внимание на ваквите коментари.
Хилари Даф со својот син Лука неодамна го обележа првото лазење на новиот член на семејството. На снимката се гледа како Лука ја бодри сестричката да лази до него.
