Нашата најпозната и најуспешна тенисерка Лина Ѓорческа заслужено замина на одмор. По напорните натпревари и тренинзи коишто ги имаше во текот на оваа година Лина овојпат куферот го спакува за на плажа.
Тенисерката објави неколку моменти преку преубави фотографии од местото каде што летува деновиве. Мистично во нејзин стил, таа не открива детали ниту локација, ниту со кого ужива пред морската шир со сончевите зраци.
„Резиме од јулското бегство“, го насловила Ѓорческа овој преубав албум.
Музичката подлога за овој албум одбрала да биде песната „Џени“ од Оливер Драгоевиќ. Можеби тоа е некоја скриена порака и со тоа покажува дека се наоѓа во некое туристичко место во преубавата Хрватска.
Во интервју за „Слободен печат“ таа изјави дека ја обожува музиката на Драгоевиќ и дека постојано го слуша посебно пред настап, бидејќи тоа ја опушта.
Тенисерката откри и дека многу ретко има приватно време од кога знае за себе.
– Јас немав детство и тинејџерски денови како секој нормален човек. Пропуштив многу родендени, прослави, забави, еве годинава не успеав да присуствувам на свадбата на мојата најдобра другарка, што не можам да го прежалам. Но, тоа е жртвата доколку се одлучиш да се занимаваш со тенис професионално – вели таа.
За да ја одржи добрата кондиција Ѓорческа многу внимава на храната, а алкохолот за неа е „забрането овошје“, но за време на одморот заслужува една добра здравица.
Лина оваа година стапна на Вимблдон и со тоа испиша историја во македонскиот тенис.
