Здравко Чолиќ уште во 2023 година купил луксузен стан во близина на Пула, Истра. Сепак, тој сè уште не може да ужива во него со своето семејство, бидејќи вселувањето доцни.
Во новиот имот, кој се гради во рамките на атрактивен и скап проект сместен на границата меѓу марината и Пјешчана Увала, Чолиќ ќе може да се всели најрано напролет следната година.
Поп-ѕвездата тогаш за својот нов дом на хрватското приморје избрал помал стан во една од петте згради со вкупно 150 станови. Тие се сместени на рид над марината, со поглед кон заливот, па дури и од пониските катови се простира поглед кон чамците, хотелот, Веруда Порт, Верудела, Пјешчана Увала и островот Фратарски. Како што тогаш пишуваа хрватските медиуми станува збор за еден од најголемите и најскапите станбени проекти во Пула во поново време.
Цената на становите во овие згради тогаш се движела околу 5.500 евра за квадратен метар, а Чолиќ за тие пари, кога ќе дојде време за вселување, ќе добие стан со ходник и гардеробер, бањи, дневна соба со кујна и трпезарија, спална соба и тераса. На станот му припаѓаат и едно гаражно место и остава, како и заеднички базен.
Пејачот ќе го добие станот по принципот „клуч на рака“, со целосно уредена бања (мебел и санитарии), подни облоги во сите простории (керамички плочки од прва класа и ламинат), спроведени електрични инсталации, вграден клима-уред, внатрешна столарија, надворешна ПВЦ или алуминиумска столарија, влезна врата со заштита од провала и пожар, антенски систем, УТП-мрежа и бели ѕидови, се наведува во описот на еден таков имот во огласите.
Како што дознава „Курир“, легендарниот пејач веќе неколкупати се распрашувал кога ќе може да се всели во станот, а при секој престој во овој дел на Хрватска доаѓал и на градилиштето за лично да провери како напредуваат работите.
Од „Курир“контактирале и со хрватска агенција за недвижности која посредува во продажбата. Разгледувањето во моментов практично не е можно, бидејќи пристапот до зградите е опасен и води низ градилиште, па понудата главно е достапна преку описи и фотографии, ни посочија од агенцијата.
– Првите две згради се речиси целосно распродадени, а во понудата имаме уште само станови од 50 квадратни метри, кои се продаваат по цена од 5.800 евра за квадратен метар. Тие се наоѓаат на приземје и во моментов имаат поглед низ грмушките. Сопственикот на целата парцела рече дека тие ќе бидат отстранети. Но, отстранувањето на грмушките, односно расчистувањето на зелената површина што сè уште го попречува погледот, е само дел од работите што го очекуваат инвеститорот до пролетта 2027 година, кога се очекува да бидат завршени првите две згради. За преостанатите три сè уште е во тек постапката за добивање градежна дозвола. Паралелно со градежните работи, со „Хрватски шуми“ се бара решение за уредување на зелената падина под зградата, а завршувањето на сите пет згради се очекува до 2028 година – рекле од агенцијата за недвижности.
На крајот, може да се заклучи дека, според моментално достапната понуда, цените на становите во оваа луксузна населба се движат од 287.720 до 575.000 евра. Во понудата има помали станови со површина од околу 50 квадратни метри, но и попространи, со површина до 102 квадратни метри.
