Војвотката од Кембриџ по којзнае кој пат е сликана во својот син омилен фустан од дизајнерката Стела Мекартни.
Имено, Кејт Мидлтон, се појавила на јавен настан – локалниот натпревар за фотографии, а и во оваа прилика на себе го имала омиленото парче облека од својот гардеробер – миди син фустан, во кој имавме прилика да ја видиме безброј пати досега.
Кејт за прв пат во јавноста го носеше овој фустан во јули 2012 година во посета на Националната галерија, а потоа повторно во август истата година, на еден од натпреварите на Вимблдон.
Војвоткта потоа во истиот фустан се појави и во 2014 година на Коменвелт игрите во Глазгов и повторно во 2016 година кога беше сликана со синот Џорџ и сопругот Вилијам.
Омилениот фустан на британската војвотка, кој чини 685 фунти, очигледно е парче обелека кое таа навистина го обожава, со оглед на тоа дека таа во него редовно се појавува во јавноста веќе полни осум години, што е навистина чудно за јавна личност, особено за член на кралското семејство.
