Пејачот Тони Цетински е ослободен од обвинението во случајот за сообраќајната несреќа која се случи на 3 ноември 2017 година во Ровињ, кога настрада 62 годишниот Ибрахим Кевљанин.
Судијата Тања Канис Пренс со пресудата потврдила дека државното обвинителство не успеало да достави ниту еден доказ и поради тоа пејачот се ослободува од обвинение.
Тони беше видно вознемирен по читањето на пресудата и пред новинарите и во судот кажал дека вакво нешто не би сакал никому да му се случи.
– Она што највеќе ти останува во сеќавање е моментот на несреќата и фактот дека не можев ништо да сторам за да ја избегнам. Тука е моментот и кога не можев да му помогнам на човекот. Тоа ќе ми остане во глава целиот живот. Што се однесува за процесот не сум образуван, па да можам да го коментирам.
