Манекенката Кара Делавињ и актерката Ешли Бенсон, ѕвездата од тинејџерската серија „Слатки мали лажливки“, недвосмислено потврдија дека се во врска, за што се шушка веќе скоро една година.
Кара на социјалната мрежа Инстаграм објави кратко видео во кое страствено се бакнува со својата девојка. Во описот на фотографијата пишува „Pride“ (гордост). Таа освен што потврди дека се во врска, го одбележа и месецот на LGBT со препознатливите бои и знакот.
Ниту Ешли Бенсон не остана нема, па на ова видео одговори со емотикон срценце и дополнително ја потврди врската.
За нивната врска медиумите започнаа да пишуваат уште во есен минатата година, но манекенката и актерката не сакаа ништо да коментираат.
Оттогаш често заедно се појавуваат во јавност.
