Еден од најпознатите порно-актери Рон Џереми (67) е обвинет за силување на три жени и за сексуален напад на четврта, објавија во вторникот обвинителите во Лос Анџелес.
Рон, кој е една од најголемите sвезди на порнографските филмови и кој глумел во повеќе од 1.700 филмови од тој жанр, последните години го следат обвинувања за напади и не е пожелен на настаните организирани од индустријата за возрасни.Американецот е обвинет за четири одделни инциденти кои датираат од 2014 година.
Три инциденти се случиле во истиот бар во западен Холивуд, од 2017 до 2019 година, велат обвинителите. Наводното силување во 2014 година се случило во куќа во истата населба Лос Анџелес.
Наводните жртви биле на возраст од 25 до 46 години. Посебниот случај за 2016 година е отфрлен поради недоволно докази.
Доколку биде осуден, Џереми може да добие максимална казна од 90 години до доживотен затвор.
Обвинителите побараа да му се одреди кауција од 6,6 милиони долари.
