Велика Британија е во шок откако принцот Хари со сопругата Меган Маркл ја извести јавноста дека се повлекува од кралската должност.
Во шок е наводно и целото кралско семејство кое не знаеше какви намери има принцот Хари. Меган Маркл замина за Канада веднаш штом објавија дека се повлекува бидејќи таму останал нивниот осуммесечен син Арчи.
Во првата прилика во Канада ќе замине и принцот Хари, според пишувањето на новинарите. Наводно тој ја известил неговата баба и татко дека ќе обработи уште еден ангажман, а потоа лета во Канада да биде со синот и сопругата.
Кралицата и принцот Чарлс се шокирани и тажни бидејќи Хари му заврте грб на семејството, а Бекингемската палата објави дека со лицата Хари и Меган бараат начин што побезболно да ја решат новонастанатата ситуација.
