Пол Барел, поранешниот батлер на принцезата Дајана на својот Инстаграм профил сподели фотографија со писмото кое го напишала починатата принцеза, а преку кое ја покажала својата сила, љубовта кон синовите и тагата, бидејќи како што се верува, претчувствувала дека нешто ќе се случи.
– Додека Хари, Меган и Арчи започнаа да градат нов живот, се сетив на зборовите кои принцезата Дајана ми ги напиша пред многу години. Тоа се зборови со безусловна љубов кои денес совршено одговараат на ситуација, иако ги напиша пред повеќе од 24 години, напиша тој под фотографијата.
Имено, Дајана во писмото, според мислењето на аналитичарите, предвидела дека на нејзините синови ќе им биде потребна одгомна сила за сите предизвици.
– Ги сакам своите момчиња до смрт и се надевам дека семето кое го посадив и понатака ќе расте и ќе им ја донесе потребната поддршка, сила, знаење и стабилност, напиша таа.
Да се потсетиме, Меган и Хари на 8-ми јануари соопштија дека сакаат да отстапат од должноста како членови на кралското семејство.
