Ким Катрал , попозната по улогата на Саманта Џонс во „Сексот и градот“ , проговори за односот со колешките од култната серија. Во интервју за „Variety“, таа призна дека никогаш не добила покана да учествува во новите епизоди од серијата „And Just Like That“.
„Никогаш не ме прашаа да се приклучам на серијата „And Just Like That“. Мислам дека прилично јасно ставив до знаење дека не сум за такви работи откако имаше можности за трет филм „Сексот и градот“. Јас дознав за серијата исто како и сите останати, преку социјалните мрежи“, признала актерката.
View this post on Instagram
„Треба да знаете кога е доста“, додаде таа и се присети на понудата за третото продолжение на „Сексот и градот“.
View this post on Instagram
Тврди дека не била задоволна со сценариото. Наводно, според замислата на режисерите, 14-годишниот син на Миранда Хобс требало да испрати фотографија од својот полов орган на пријателката на мама, односно на Саманта.
View this post on Instagram
„Тоа е страшно. Ме повреди. Зошто Саманта не можеше да биде во тешка финансиска криза по 2008 година, кога повеќето луѓе тешко се справуваа со кризата. Зошто не беше принудена да ја продаде својата ПР компанија. Тоа е реалноста. Тоа е реалност, сценарио кое на некој начин би ме привлекло и кое моите агенти го предложија, наместо приказната некој тинејџер да ми испрати негови голи слики“, изјави таа.
View this post on Instagram
Таа се осврна и на нејзината врска со Сара Џесика Паркер, Синтија Никсон и Кристин Дејвис.
„Мислам дека бевме колешки. Моите колеги не мора да ми бидат и пријатели. Сето тоа беше професионално”, заклучила Ким.
