Скромноста не е одлика на семејството Кардашијан, особено кога се во прашање нивните најмлади членови.
Клое на својата ќерка Тру ѝ купила детско розово „бентли“, украсено со светки и со испишано име на регистарските таблички. И додека едни беа воодушевени од подарокот, мнозинството всушност и немаше пофални зборови за оваа нејзина постапка.
„Дали знаете како вашите трошоци изгледаат за остатокот од светот? Го сакав вашето семејство, но не можам веќе да ве гледам како трошите на материјални нешта. Тажно“, се вели во еден од коментарите.
Клое само ладнокрвно одговорила дека се работи за играчка и им посакала убав ден на своите следбеници, со порака да се фокусираат на нештата кои ги прават среќни.
„Да, сакам да ја разгалувам ќерка ми. Сакам да ѝ давам и љубов и материјални подароци. На одговорноста ќе ја научам исто така. Сите работиме напорно и вредно, за да можеме да трошиме како што сакаме. Се надевам дека светот го гледа тоа“, порачала Клое.
