Непишано правило е дека кога си поканет на венчавка треба внимателно да одбереш што ќе облечеш за да не ја засениш невестата, но во случајот на Кајли Џенер тоа очигледно не важи.
На венчавклата на Џастин и Хајли Бибер Кајли се појавила во фустан на австралијанскиот дизајнер „J’Aton Couture“ на кој како да пишувало „Гледајте во мене“. Сепак, барем не била во бело.
Нејзините фанови ја обвинуваат дека е непристојна поради намерата да ја засени невестата.
„Фустанот на Кајли е легендарен, ама да го облечеш на нечија венчавка – во тој момент покажуваш отсуство на почит“, напишал еден корисник на Твитер, а друга корисничка додала дека ако некоја жена на нејзината венчавка би се појавила во таква креација, би ја исфрлила, ама прво би ѝ истурила црвено вино.
Некои шпекулираат дека Кајли намерно дошла во вакво издание за да му покаже на бившото момче Тревис Скот што изгубил.
