За Емили не може баш да се каже дека спаѓа во оние кои ги поместуваат границите и кои се предвесници на нови трендови, но секако е меѓу оние кои одлично ги носат актуелните хитови, додавајќи им секогаш некој свој „пикантен“ шмек.
Така на пример сакото и бундите секогаш ги комбинира со ултрасекси топови, кои ги откриваат нејзините совршени стомачни мускули.
Сепак, нејзините модни комбинации би можеле да послужат како модна библија на сите кои оваа сезона го носат најбараното во градот – фармерки и кратки чизми.
Бидејќи и оваа сезона исклучително се популарни фармерките со рамни ногавици, вовлекувањето во чизмите е минато и се носат модели со пократки ногавици кои одат над обувките.
Шпицот и потпетиците се задолжителни, а тоа го знае и Емили, која неколкупати покажала дека совршено знае да го одмери секој детаљ.
