Раперот Едо Мајка во саботата требало да настапи на затварање на Фажан Медиа Фест во Хрватска, но поради здраствени проблеми неговиот концерт бил откажан.
- Се извинуваме на сите кои заедно со нас го чекаа вечерашниот концерт на Едо Мајка и неговиот бенд. Едо пред малку ни се јави од болница каде го однеле откако му се слошило. Докторите му забраниле патување и го задржале на испитувања – напишал организаторот на социјалните мрежи.
Инаку раперот е миленик и на македонската публика. Тој повеќе пати гостувал во Скопје и низ градовите и токму поради тоа тој секогаш има само пофални зборови за нашата земја.
