Постојат многу знаци кои покажуваат дека популарниот пар, Кајли Џенер и Тревис Скот, веќе не се заедно.
Светските таблоиди се посомневаа во тоа по неколку последователни објави на профилот на Кајли, со „сомнителни“ описи и коментари. Таа и Тревис неодамна се фотографираа разголени за Плејбој.
Медиумите на нејзиниот профил на Инстаграм пронашле три наводни докази дека веќе не се заедно. Првиот е описот на сликата на која Кајли е сама и облечена во црно, а напишала „Ова не е игра, дечко.“
Вториот знак е коментарот на нејзината пријателка „Направена за соло игра“, а многумина забележале дека во позадината веќе ја нема нивната заедничка фотографија.
Тие ја имаат ќерката Сторми, која се роди во 2018. Кајли забремени кратко откако почна да се гледа со Тревис Скот, кого го запозна за време на неговиот настап на Коачела.
